Accessibility links

Labari da Dumi-Duminsa

Nijeriya Ta Samu Tallafin Maganin Tarin Fuka Ko TB


A wani bikin da aka yi ran 7 ga watan August na 2009, wakilin Hukumar Lafiya Ta Duniya (WHO) a Nijeriya, Dr Peter Eriki, ya danka wa Ministan Kiwon Lafiya na Nijeriya Farfesa Babatunde Osotimehin wani kayan maganin Tarin Fuka na kimanin Dala milliyan 1.75. Maganin, wanda kyauta ce Cibiyar Samar da Magunguna ta Duniya da ake kira /Global Drug Facility (GDF)/ a Turance ta samar, za a yi jinyar sama da majinyatan tarin fuka su 30,000 ne ciki hard a yara.

Da yake mika kayan maganin wa Ministan a wani bikin da aka yi a Ma’adabar magani ta Tarayy da ke Oshodi, Lagos, Dr Ekiti, ya bayyana cewa daya daga cikin dabarun DOTS shi ne samar da ingantaccen maganin tarin fuka ba tare da katsewa ba. Ya jaddada cewa ganin yadda ake ta samin karuwar harbuwa da tarin fuka da HIV tare kuma da barazanar bullar tarin fuka mai gagarar magunguna da aka yawaita, al’amarin da ake kira MDR a takaice, ya kamata a yi duk abin da ake iyawa a samar da muhimman magungunan. Yana da muhimmanci a kauce wa duk wani tsaiko a jinyar da kuma sakamakon hakan wanda shi ne kasadar bullar gagararriyar cutar tarin fuka.

Da yaka mai da magana, Farfesa Oshotimehin ya jinjina wa WHO da Hukumar GDF saboda goyon bayansu. Ya tabbatar da kokarin Dr Peter Eriki na samar da taimakon WHO ga Ma’aikatar Lafiya. Ministan ya yi alkawarin cewa za a rarraba magungunan ba tare da bata lokaci ba ga dukkannin wuraren da ake aikin magance tarin fuka. Dr Mansur Kabir, Manajan Kasa na Shiri Yaki da tarin fuka da Kuturta, ya ce shi ma akan bayanin Ministan ya tasaya.

Hukumar WHO a Nijeriya ta sha samar da taimako wajen kiyasin magungunan tarin fukan da ake bukata, da kawo magungunan tun daga 2002. Alfarmar diflomasiyya ta saukin shigo da na WHO ta sha taimakawa wajen shigo da magungunan Ma’aikatar ta Lafiya ta yadda Ma’aikatar ta Lafiya sai dai kawai ta biya harajin tashar jirgi da na dakon kayan a kawo mata su. GDF, wanda wani kokari ne na yaki da tarin fuka ta wajen saukaka wa majinyata samin magunguna masu kyau, an kirkiro shi ne a 2001. GDF, wanda ke da office a Hedikwatar WHO da ke Geneva, aikinsa ya hada da tabbatar da samar da magunguna daga ingantattun kamfanoni ga kasashen da ke fama da tarin fuka a farashi mai rahusa. Burin GDF shi ne fadada hanyoyin samun magungunan tarin fuka don a fadada jinyar tarin fukar da ake ta tsarin DOTS. To saidai fa daga shekarar 2009 babu sauran bayar da magunguna kyauta ga Nijeriya.

XS
SM
MD
LG