Accessibility links

Labari da Dumi-Duminsa

Shugaba Musharraf Na Pakistan Yana Ganawa Da Manyan Mukarrabai Kan Tsaro - 2002-03-19


Shugaba Pervez Musharraf na Pakistan ya gana da manyan mukarrabai domin sake nazarin matakan tsaro a kasar, a bayan mummunan harin da aka kai ranar lahadi kan wata majami'ar dake kusa da ofishin jakadancin Amurka a birnin Islamabad.

Janar Musharraf ya kirawo manyan jami'an 'yan sanda da gwamnonin lardunan kasar domin ganawar da aka yi yau talata a babban birnin kasar. Matar wani ma'aikacin jakadancin Amurka tare da wata 'yarsu budurwa, suna daga cikin mutane biyar da aka kashe a wannan hari na ranar lahadi.

'Yan sanda sun ce sun yi imanin cewa daya daga cikin mutane biyar din da suka mutu, wanda har yanzu ba a san ko wanene ba, shi ne ya kai harin.

Mutane 45 sun ji rauni a wannan harin da 'yan sanda suke kyautata zaton masu kishin addinin Islama ne suka kai.

XS
SM
MD
LG