Accessibility links

Sojojin Mr. Ravalomanana Suna Shirin Kai Farmaki A Madagascar - 2002-06-30


Sojoji masu biyayya ga shugaba Marc Ravalomanana a kasar Madagascar, sun ce suna shirin kai farmakin karshe na fatattakar sojoji masu biyayya ga tsohon shugaba Didier Ratsiraka.

Majiyoyin soja sun ce dakarun suna shirin kai farmaki a wani yankin dake kusa da Antsiranana, babban birnin lardin arewacin kasar, kuma daya daga cikin tungayen da suka rage a hannun magoya bayan Ratsiraka.

Mutanen biyu sun shafe watanni shida suna gwagwarmayar neman ikon mulkin kasar a bayan zaben shugaban kasa na watan Disamba da ake gardama kansa. Kowane dayansu yana ikirarin cewa shine shugaban kasar na halal.

Amurka ta ce ta amince da Mr. Ravalomanana a zaman shugaban kasa, kuma zata yi hulda da shi domin gaggauta kawo karshen rikicin siyasar kasar.

XS
SM
MD
LG