Accessibility links

Shugaba Charles Taylor Na Liberiya Zai Sauka Daga Kan Mulki - 2003-06-17


Jami'an shawarwarin gwamnati da na 'yan tawayen Liberiya dake ganawa a kasar Ghana, sun rattaba hannu a kan yarjejeniyar tsagaita wuta, wadda ta kunshi batutuwan da suka hada har da yin murabus din shugaba Charles Taylor.

Mashawarta a zauren taron na Ghana sun fada kafin bukin rattaba hannu a yau talata, cewar a karkashin wannan yarjejeniya, bangarorin zasu kafa gwamnatin rikon kwarya a Liberiya nan da kwanaki 30.

Suka ce Mr. Taylor ba zai shiga cikin wannan gwamnati ba.

Labarin kulla wannan yarjejeniya ya haddasa bukukuwa a titunan Monrovia, babban birnin Liberiya, wanda 'yan tawaye suka yi makonni biyu da yi wa kofar-rago.

Wannan yakin basasa na Liberiya ya samo asali shekaru hudu ad suka shige. Kungiyoyin 'yan tawaye biyu, LURD da MODEL, suna rike da kashi 2 cikin 3 na kasar.

An fara tattaunawar neman zaman lafiya cikin wannan wata a Akosombo a kasar Ghana, karkashin jagorancin kungiyar ECOWAS.

XS
SM
MD
LG