Accessibility links

Iraqi Ta Shiga sabuwar Rigima


Hare-haren na bam da aka boye cikin mota sun kashe mutane akalla 8, wasu 20 suka ji rauni a yankuna uku cikin babban birnin, yayin da harin na kwanson bam ya kashe mutane hudu a gundumar Azamiyah.

Muqdadiyah dake arewa maso gabas da babban birnin wani dan kunar bakin wake ya tarwatsa kansa a cikin motar tanka ta mai da yake ciki a wani wurin binciken ababen hawa a kusa da wani sansanin sojan Iraqi, ya kashe kansa, ya raunata wasu sojoji 6.

Rundunar sojojin Amurka ta ce an kashe mata sojoji 4, ciki har da na kundumbala daya a fadan baya bayan nan a Iraqi. Jiya talata, ’yan gwagwarmaya sun kai hare-hare da dama cikin Iraqi suka kashe mutane fiye da hamsin, da yawa daga cikinsu kuwa ’yan mazhabin Shi’a dake ibadar rana mafi tsarki gare su ta Ashura.

XS
SM
MD
LG