Accessibility links

Jamian Amurka Da Pakistan Sun kama Babban Kwamandan Taliban


Jaridar New York Time ta bada labarin cewa jami’an leken asirin kasar Pakistan da kuma na Amurka sun kama babban kwamandan mayakan Taliban kwanakin da suka shige a wani sumame da suka kai birnin Karachi a asirce.

Jaridar ta bada labarin cewa jami’an gwamnatin Amurka wadanda suka ce kwamanda Mullah Abdul Ghani Baradar, yana hannun gwamnatin kasar Pakistan. An bayyana shi a matsayin na biyu a matakin iko biye da Mullah Muhammad Omar wanda ya kafa kungiyar Taliban. Baradar dan asalin kasar Afghanistan ne.

Jami’an da jaridar The Times ta ambata sun bayyana shi a matsayin dan kungiyar taliban mafi muhimmanci da aka kama tunda aka fara yakin Afghanistan karshen shekara ta dubu biyu da daya. Kungiyar Taliban a Afghanistan ta musanta kamashi ta bayyana rahoton a matsayin jita-jita kawai da ake yayatawa da nufin dauke hankalin jama’a.

XS
SM
MD
LG