Accessibility links

Yau Litinin Hutu Ne A Amurak Domin Karrama Gwarzon Yaki Da Wariya


Shugaban Amurka Barack Obama yayi jagorancin addu’o’i na musamman da tarukan tunawa da marigayi jagoran masu rajin maras galihun Amurka marigayi Martin Luther King Junior. Yau ltinin ranar hutu ce a nan Amurka domin tunawa da marigayin.Shugaba Barack Obama yayi jawabi a wata mujami’ar dake kusa da fadar shugaban Amurka ta White house.Mujami’ar da marigayi Martin Luther King yayi wa’azi shekaru hamsin da suka gabata.

shugaba barack Obama ya tuna baya a jawabin marigayin inda yake cewa Yace yanzu muna samun amfanin abinda marigayin Luther king ya shuka ne, sannu a hankali maras sa galihun Amurka sun fara samun galihun, suna samun ‘yancinsu na walwala kamar kowa. Wannan ba karamin ci gaba bane aka samu a Amurka. Ana ganin yadda bakar fatar Amurka ke shiga sahun gaba wajen ayyukan ginin kasa, har ta kai Amerkawa sun zabi bakar fatar Amurka shugaban Amurka na 44.

XS
SM
MD
LG