Accessibility links

Amurka ta ce Rasha ta janye jiragen yakinta daga Syria


Shugaban Kasar Rasha, Vladimir Putin

Shugaban Kasar Rasha, Vladimir Putin

Kasar Rasha ta janye mafi yawancin jiragen saman yakinta na kai hare-hare daga Syria, sannan bas u kai wani harin sama a wannan makon bag aba daya, kamar yadda jami’an Sojin Amurka suka bayyana.

A jiya Juma’a Kakakin rundunar da ke lura da ayyukan Sojin Amurka a Gabas ta Tsakiya Kanar Pat Ryder ya fadawa manema labarai a cibiyar tsaro ta Pentagon cewa, in har ba’a ce dukkan jiragen ba, to kuwa sun janye mafi yawancinsu daga Syria.

Rundunar sojin Rasha dai sun taimakawa Sojin Syria a wannan makon wajen yakar ‘yan ISIS a garuruwan Palmyra da Tadmur, sai dai wannan agajin hare-haren sun bada shi ne ta hanyar amfani da sojojin da ke yaki ta kasa.

Ryder yace har yanzu Sojojin na Rasha na agazawa yakin na Syria a fakaice, sannan ta mayakan kasa ba ta amfanin da jiragen yakinsu ba.

Sannan har yanzu akwai jirginsu na dakon jiragen yaki da kuma masu saukar Ungulu a tare da Sojojin mayakan kasa.

XS
SM
MD
LG