Accessibility links

Amurkawa Sun Fara Tono Motocinsu Daga Dusar Kankara


DC Snow Blizzard 2016 -015

DC Snow Blizzard 2016 -015

Miliyoyin mutane dake gabar gabashin Amurka, yanzu haka na ta kokarin tono motocinsu da share saman gidajensu da hanyoyi wucewa, biyo bayan shafe kwanaki biyu ana wata mahaukaciyar guguwa mai dauke da dusar kankara. wadda ake ganin ta shiga littafin tarihi, domin ba’a taba ganin kamar ta ba.

An sami saukin saukar dusar kankarar a yankin birnin Washington, inda yawancin yankunan babban birnin suka samu dusar kankarar da takai santimita 60. A dalilin wannan guguwa ne aka rufe ofisoshin gwamnati da ke birnin, jami’ai ma suka rufe manya da kananan hanyoyi, harma da ‘daukacin sashen sufuri na birnin.

Masu hasashen yanayi sunce an samu yawan dusar kankarar da ta sauka a jihar New York mai hawan santimita 64.

Gwamnan jahar New York Andrew Cuomo ya kafa dokar hana tafiye-tafiye a dukkannin hanyoyin unguwanni da manyan hanyoyin da ke birnin mai yawan mutane miliyan 8.4. An dakatar da zirga zirgar ababen hawa, da rufe shaguna da duk wasu wasu guraren more rayuwa.

Fiye da mutane miliyan 85 wannan guguwar karfi hade da dusar kankarar ta shafa, inda ta bar dubban mutane zama cikin duhu a dalilin katsewar wutar lantarki.

XS
SM
MD
LG