Accessibility links

Amurkawan dake Son A Sake Kirga Kuri'un Zabe Na Kara Yawa


Donald Trump da Hillary Clinton

Donald Trump da Hillary Clinton

Yawan Amurkawan dake neman a sake kirga kuri’un zaben shugaban kasa da aka yi a wasu jihohi ukku na kasar yana dada karuwa, bayanda aka ankara da cewa yawan kuri’un da Hilary Clinton ta samu sun zarce na Donald Trump da kuri’u fiye da milyan biyu, ga kuma rahottanin da ke shigowa masu nuna cewa anyi magudi a wasu mazabu.

Tun cikin makon jiya wasu lauyoyi masana harakokin zabe suka shawarci madugun kyampen na Hilary Clinton, watau John Podesta da cewa ya sa a je a sake kirga kuri’un da aka jefa a jihohin Wisconsin, Pennsylvania da Michigan saboda suna jin an aibanta komputocin da aka yi anfani da su wajen jefa kuri’un, kamar yadda mujallar “New York” ta nuna.

Lauyoyin sun lura da cewa kuri’un goyon bayan HC sun kasa da maki 7 a yankunan da aka yi anfani da komputa wajen jefa kuri’u, ba kamar goyon bayan da ta samu a yankunan da aka yi anfani da kuri’un takarda ba.

Lauyoyin sunce karin hujjarsu na neman a sake kirga kuri’un shine saboda yawan kurik’un da Donald Trump ya samu a duk wadanan jihohin ukku basu shige 2% na dukkan kuri’un da aka jefa a jihohin ba.

Show comments

XS
SM
MD
LG