Accessibility links

An Ba Jihohi Shida Dalar Amirka miliyan 3 Domin Kokari A Yaki Da Cutar Polio


Bill Gates

Bill Gates

Gidauniyar Bill Gates ta bada tallafi domin karfafawa jihohi shida da suka yi fice a yaki da cutar shan inna. An zabi jiha daya daga kowacce shiya a shiyoyi shida na Najeriya da suka hada da jihar Cross Rivers da Borno da Kogi da Zamfara da Anambara da kuma Ondo. Jihar Naija kuma ta zama zakara inda ta kasance jihar da tafi kowacce samun ci gaba a yaki da cutar Polio a matakin kasa baki daya.

Zabar jihohin ya biyo bayan gasar shekara-shekara da gwamnoni suka kirkiro tsakanin jihohi da nufin karfafa maida hankali wajen yaki da cutar Polio.

Gidauniyar Bill Gates zata bada gudummuwar dala dubu dari biyar ga jihohin da suka lashe gasar, domin su iya shawo kan matsalolin da suka fi damunsu a fannin lafiya. Yana yiwuwa kuma su sami karin dala dubu dari biyu da hamsin sau biyu domin cimma burin kula da lafiyar al’umma.

Za a rabawa jihohin dalar Amirka miliyan daya domin su yi amfani dashi wajen gudanar da ayyuka jinya da kula da lafiyar al’umma saboda kokarin su a yaki da cutar ciwon inna.
XS
SM
MD
LG