Accessibility links

An Yi Waje-rod Da Maurice Iwu


Shugaban riko na Najeriya, Jonathan Goodluck, ya tura shugaban hukumar zabe Maurice Iwu hutun dole, ya kuma bukace shi da ya ajiye wannan mukami nasa.

Mai rikon mukamin shugaban Najeriya, Goodluck Jonathan, ya umurci shugaban hukumar zaben kasar da ya sauka daga kan wannan kujera, a bayan da ka ayi ta nuna damuwar cewa ba zai shirya zaben gaskiya a shekara mai zuwa ba.

An Yi Waje-rod Da Maurice Iwu

An Yi Waje-rod Da Maurice Iwu

A cikin wata sanarwa da ya bayar jiya laraba, Mr. Jonathan ya ce an tura Maurice Iwu, shugaban hukumar zaben da ake kira INEC a takaice, zuwa hutu nan take. Har yanzu ba a bayyana wanda zai gaje shi ba tukuna.

A watan da ya shige, daruruwan mutane sun yi zanga-zanga a kofar hukumar zaben a Abuja su na neman da a cire Mr. Iwu. Ita ma Amurka ta bukaci da a cire shugaban hukumar zaben.

Maurice Iwu shi ne ya shirya zaben 2007 wanda ya dora shugaba Umaru Musa 'Yar'aduwa da mataimakinsa Goodluck Jonathan a kan karagar mulki. Akasarin 'yan kallo sun ce an tabka magudi tare da cin zarafin abokan hamayya a lokacin wannan zabe na 2007.

Za a gudanar da zaben shugaban kasa na gaba a Najeriya a watan Afrilun 2011.

XS
SM
MD
LG