Accessibility links

An haramta wa tsohon shugaban kasar Iran mai tsatstsauran ra’ayi Mahmoud Ahmadinejad shiga jerin wadanda za su yi takarar zaben shugaban kasar da za’ayi wata mai zuwa.

Sai dai kuma Majalisar koli ta malaman addini wadanda ke da alhakin tantance 'yan takarar ta yardar wa shugaban dake kan karaga a yanzu, Hassan Rouhani da ya tsaya takarar.

Rouhani mai sassaucin ra’ayi zai yi takara ne da biyu daga cikin fitattun masu tsatstsauran ra’ayi; Ebrahim Raisi wanda ake wa ganin mafi kusanci da shugaban addini Ayatollah Ali Khameni, da Magajin garin Tehran Mohammad Bagher Qalibaf.

Ahmadinejad ya ba da sanarwar tsayawar sa takara a makon da ya gabata a wani yunkuri na ban mamaki duk da shawarar da Khameini ya ba shi na cewa kada ya tsaya din.

Tsohon shugaban kasar wanda ake wa kallon mai ra’ayin rikau ko a cikin masu tsatstsauran ra’ayin, ya sauka daga mulki ne a shekarar 2013 bayan tangal-tangal da mulkinsa ya yi na raba 'yan kasar da kuma ke beta daga shauran kasashen duniya.

Facebook Forum

XS
SM
MD
LG