Accessibility links

Labari da Dumi-Duminsa

An Kai Hare Haren Bom A Wurare Da Dama a Iraq


Mutane suna kallon motar da ta tarwatse a wurin da aka kai harin bom kan wata runfar da ake jana'iza a yankin 'yan Shi'a dake Bagadaza, Iraq.
Mutane suna kallon motar da ta tarwatse a wurin da aka kai harin bom kan wata runfar da ake jana'iza a yankin 'yan Shi'a dake Bagadaza, Iraq.
Jami’ai a kasar Iraq sun ce hare haren da aka kai a wurare dabam dabam a kasar yau Lahadi ya yi sanadin kashe mutane 17 da dama kuma suka jikkata.

Hari mafi muni shine harin boma bomai da aka kai kan wadansu motoci uku a Taji, arewacin Bagadaza. Jami’ai suka ce mutane takwas sun mutu a harin sama da 20 kuma suka ji raunuka.

Wani dan kunar bakin wake kuma a Kut dake kudancin Bagadaza, ya kashe a kalla jami’an ‘yan sanda uku ya kuma raunata wadansu da dama. A Balad Ruz arewa maso gabashin babban birnin kasar kuma, wani harin bom da aka kai ya kashe ‘yan sanda biyu. An kuma kai hare hare a wadansu garuruwa.

Kawo yanzu babu kungiyar da ta dauki alhakin hare haren da aka kai yau Lahadi
XS
SM
MD
LG