Accessibility links

An Kai Hari A Wata Majami'a A Kasar Kenya


 Wadansu makamai da albasusai da 'yan sanda suka kwato daga mayaka

Wadansu makamai da albasusai da 'yan sanda suka kwato daga mayaka

‘Yan sandan kasar Kenya sun ce wani harin gurneti da aka kai kan wata majami’a a Nairobi babban birnin kasar, ya kashe wani karamin yaro dan shekara tara ya kuma raunata wadansu yara uku yau Lahadi.

Babban jami’in ‘yan sanda Moses Ombati yace ya hakikanta cewa, wadanda suke goyon bayan kungiyar mayaka ta al-Shabab a Somalia suke da alhakin harin.

Ranar Jumma’a dakarun kasar Kenya suka yi kazamin gumurzu da kungiyar al-Shabab ta Somaliya a Kismayo dake tashar jirgin ruwa, suka tilasa mayaka kauracewa wuri na karshe da suke iko a kai.

Yan sanda sun ce yaran suna ajin Sunday sukul ne a majami’ar St Polycarp dake birnin Nairobi, lokacin da wani ya jefa gurneti a ciki.
XS
SM
MD
LG