Accessibility links

An Kama Radko Mladic,Tsohon kwamanda A Yake yaken Bosnia

  • Aliyu Imam

A wan nan hoto da aka dauka a 1996,Janar Ratko Mladic ne daga tsakiya yana murmushi.

A wan nan hoto da aka dauka a 1996,Janar Ratko Mladic ne daga tsakiya yana murmushi.

Shugaba Boris Tadic na kasar Serbia ya bada sanarwar cewa karshenta dai an cafke Ratko Mladic, tsohon kwamnadan dakarun Bosniyawa a lokacin kazamin yakin da aka yi jim kadan bayanda tsohuwar kasar Yugoslavia ta wargaje.

Shugaba Boris Tadic na kasar Serbia ya bada sanarwar cewa karshenta dai an cafke Ratko Mladic, tsohon kwamnadan dakarun Bosniyawa a lokacin kazamin yakin da aka yi jim kadan bayanda tsohuwar kasar Yugoslavia ta wargaje.

Shugaba Tadic yace a cikin Serbia aka kama Mladic kuma har an soma daukan matakan hannunta shi fa kotun karrarakin yake-yake ta Majalisar Dinkin Duniya. Shugaban na Serbia yace zasu gudanarda binciken gano dalilin da yassa aka share shekaru 16 kafin a cafke wannan tsohon madugun ‘yantawayen na Bosnia, Mr. Mladic,dan shekarun haifuwa 69. Daman tun bayau ba ita wannan kotun yake-yaken ta duniya ta tuhumci Mladic da laifukkan azabatarwa da kashekashen gillar da aka tapka a lokacinda mayakansa suka kama birnin Sarajevo, lokacinda ya jagoranci hallaka al’ummar Musulmin Bosnia sunfi dubu 8, kusan dukkansu maza da yara ‘yanmaza, a kusa da garin Srebrenica.

Ana daukar kisan gillar da aka yi a Srebrenica a matsayin ta’asa mafi muni da aka taba yi a duk Turai tun bayan yakin duniya na biyu. Haka kuma Mladic ne aka ce yayi jagorancin fattakkar wattani 43 da aka yi wa Sarajevo, babban birnin na Bosnia, daga 1992-1996, wanda aka ce itace kawanya mafi tsawo da aka taba yi wa duk wani birni a duk tarihin yake-yake na duniya.

Shi dai Mladic daman daya ne daga cikin mutane ukku da aka dade ana nema don rawar da suka taka a yakin na Bosnia. A 2008 aka kama na biyun, Radovan Karadzic, yayinda har yanzu ake farautan na ukku, Goran Hadzic, wani kusar Sa rbiyawan Croatia.

XS
SM
MD
LG