“Larabannan da dare misalin karfe tara da rabi, muka samu labarin cewa an ajje wasu kamar jaka-jaka a wani gida inda ake sayar da abinci, ana kiran wajen, Kilimanjaro. Da muka gane Bom ne, sai muka kebe wuraren, muka hana mutane shiga. Wadanda suke wajen, muka kawar da su. Allah Ya bamu nasara, muka kwance abun kafin ya tashi.”
A halin yanzu dai jama’a a birnin Owerri sun koma wuraren da suke ayyukansu, babu wani tashin hankali. Kuma mun gargade su, ba masu cin abinci kadai ba, harda wuraren da ake shakatawa.
Speton na ‘yan sanda ya kara da cewa aikin tsaro, bana ‘yan sanda bane kawai. Kowa nada hannu, kuma idan aka tashi tsaye, to za’a ci nasara.
Ya zuwa yanzu, babu wanda ake zargi da yunkurin shirin harin, amma rundunar ‘yan sandan na bincike.
