Accessibility links

An sake gano kaburburan mutane masu yawa a yashe a Ivory Coast


Mazauna unguwar Yopougon dake birnin Abidjan da ba'a juma da maido da doka da oda ba,suke kallon sojoji, da wasu jami'an tsaro, da suka kawo ziyara wuri da aka gano makeken kabari da aka binne gawarwaki masu yawan gaske.

Mazauna unguwar Yopougon dake birnin Abidjan da ba'a juma da maido da doka da oda ba,suke kallon sojoji, da wasu jami'an tsaro, da suka kawo ziyara wuri da aka gano makeken kabari da aka binne gawarwaki masu yawan gaske.

Jami’an dake gudanar da bincike na Majalisar Dinkin Duniya sun ce sun gano kabarurrukan mutane masu yawa a Ivory Coast dake dauke da gawarwakin mutane sama da hamsin.

Jami’an binciken dake aiki tare da jami’an ofishin kare hakkin Bil-Adama na Majalisar Dinkin Duniya ran litinin, suka bayyana cewar sun gano kabarurrukan mutanen ne a Unguwannin dake wajen birnin Abidjan, babban birnin kasar Ivory Coast. Mazuna unguwannin sun bada shaidarcewa gawarwakin da aka gani na wadanda aka kashe ne a ran 12 ga watan Afrilun da ya gabata lokacin da ‘yan bindiga dake goyon bayan hambararren shugaba Laurent Gbagbo suka kaiwa masu goyon bayan sabon shugaba Ouattara hare-hare domin tsoratasu.

Jami’an hukumar kare hakkin Bil-Adama ta Majalisar Dinkin Duniya sun bada sanarwar cewa sun fara gudanar da binciken rahotannin da aka bayar dake cewa an gano wasu kabarurruka a yashe a unguwannin Yopougon, ana kuma kyautata cewar gawarwakin farar hular da aka yiwa kisan gilla da ake zargin sassan biyu dake gaba da juna da aikatawa.

XS
SM
MD
LG