Accessibility links

Labari da Dumi-Duminsa

An Sako Dan Birtaniya Na Karshe Daga Guantanamo


Wasu Masu Fafutukar Kare Hakkin Bil Adama Rike Da Hoton Shaker Aamer.
Wasu Masu Fafutukar Kare Hakkin Bil Adama Rike Da Hoton Shaker Aamer.

An sako dan kasar Ingila na karshe dake tsare a gidan kurkukun nan na Amurka dake kan tsibirin Guantanamo a kasar Cuba.

A yau Juma’a sakataren harakokin wajen Biritaniya, Philip Hammond ya tabattar da cewa an sako Shaker Aamer, wanda asalinsa dan kasar Sa’udiyya ne.

Kuma a yau din ake sa ran Aamer zai isa Ingila.

Tun shekarar 2002 aka tsare shi a wannan gidan kason ba tare da an tuhumce shi da wani laifi ba, kuma ba a gabatar da shi a gaban wata kotu ba.

An soma tsare shi ne a kasar Afghanistan a shekarar 2011 bayan da aka zarge shi da cewa ya yi jagorancin wata kungiyar mayaka ta Taliban kuma wai har ya taba saduwa da madugun al-Qaida, Osama Bin Laden.

To amma Aamer ya musanta zargin, ya ce ya je ne Afghanistan da iyalinsa don gudanar da aikin ba da jin kai.

XS
SM
MD
LG