Da yake magana a wajen bude taron fadakarwan, shugaban matasa na babbar jam'iyyar hamayyar ta APC Ibrahim Dasuki Jalo, yace babu ci gaba da za'a samu in ba tareda zaman lafiya ba.
Daga nan ya sake nanata kiran da jam'iyyar take yiwa magoya bayanta cewa su tabbata sun "kada kuri'unsu kuma su tsare sannan su raka". Domin kamar yadda yadda yace, basu amince da su kada kuri'a su tafi gida su jira sakamako ba.
Ana sa bangare, wani tsofon soja, keftin Bala Jibrin, wanda ya ziyarci inda aka yi taron fadakarwan, yace yanzu lokaci yayi da magoya bayan jam'iyyar PDP zasu gane cewa, lokacin barinsu mulki yayi.
Amma Adamu Maina Waziri yace da yawa cikin 'yan jam'iyyar APC, mutane ne marasa gaskiya, wadanda suke fakewa da janar Buhari domin su boye irin barnar da suka yi.
