Accessibility links

Labari da Dumi-Duminsa

Ba Za A YI Hawan Sallah A Kano Ba Bana


Mai martaba Sarkin Kano, Alhaji Ado Bayero (C), lokacin cika shekaru 50 da hawa karagar mulki
Mai martaba Sarkin Kano, Alhaji Ado Bayero (C), lokacin cika shekaru 50 da hawa karagar mulki

Majalisar masarautar Kano tace a bana babu haye-hayen dawaki da aka saba yi na al’ada yayin bukukuwan sallah sanadiyyar balaguron da mai martaba sarki Alhaji Ado Bayero yayi.

Majalisar masarautar Kano tace a bana babu haye-hayen dawaki da aka saba yi na al’ada yayin bukukuwan sallah sanadiyyar balaguron da mai martaba sarki Alhaji Ado Bayero yayi zuwa kasashen ketare.

A wata sanarwa da masarautar sarkin Kano ta bayar ta bakin babban dan majalisar sarki, wamban Kano Alhaji Abbas Sanusi, ta umurci hakimai a duk kananan hukumomi 44 na jihar Kano su zauna a garuruwansu su yi sallah tare da gudanar da hawan dawaki a yankunansu.

Domin haka a maimakon jawabin da mai martaba sarki yake gabatarwa, yayin hawan sallah a kofar kwaru bayan dawowa daga masallacin Idi, a wannan karon wamban Kanon ne zai gabatar da sakon sallah ga jama’a a zauren majalisar Sarki dake kofar kudu, haka nan kuma ranar biyu ga Sallah, a maimakon hawan nasarawa, Wamban Kano zai jagoranci hakimai zuwa gidan gwamnati domin gaisawa da gwamna. A cikin hirarsu da wakilin Sashen Hausa Mahmud Ibrahim Kwari, Kanawa sun bayyana yadda suka ji dangane da wannan sanarwar.

please wait

No media source currently available

0:00 0:01:30 0:00
Shiga Kai Tsaye
  • 16x9 Image

    Grace Alheri Abdu

    Grace Alheri Abdu  babbar Edita ce (Managing Editor) a Sashen Hausa na Muryar Amurka wadda ta shafe sama da shekaru 30 tana aikin jarida. Tana da digiri na biyu a fannin dokoki da huldar diplomasiyar kasa da kasa, da kuma digiri na biyu a fannin nazarin addinan al'adun gargadiya na kasashen Afrika.

XS
SM
MD
LG