A daren jiya ne wakilan Jam’iyyar PDP daga duk fadin Najeriya, a Farfajiyar Eagle Square suka tabbatar da Goodluck Jonathan a matsayin dan takarar shugabancin kasa a Jam’iyyar, inda ya kasance dan takara daya tilo wanda ya nemi goyon bayan wakilan.
Ita kuwa Jam’’iyyar APC ta gudanar da nata zaben fidda gwani ne a filin Teslim Balogun dake birnin Ikko, lamarin da aka share dare ana aikin zabe, har Janar Muhammadu Buhari mai ritaya yayi nasara da kuri’u 3,430.
Yanzu hankulan jama’ar Najeriya sun koma kan watan Fabrairun 2015 lokacin da jama’a zasu fita su jefa kuri’ar shugaban kasa da wasu mukaman shuwagabanni.
Batun da yafi daukar hankulan jama’a a haliin yanzu shine tsaro, lamarin da ake zargin Shugaba Goodluck Jonathan da kasa tabbatar da shi a kasar mai albarkatun man fetur.
