Accessibility links

Ciwon Tarin Asma Na Zama Matsala Wajen Daukar Ciki


Ana duban mace mai fama da ciwon tarin asma

Ana duban mace mai fama da ciwon tarin asma

Wani bincike da aka buga a mujalar Lumfashi ta Turai, ta nuna cewa mata masu cutar tarin asma zasu iya samun wahalar daukar ciki wanda zai sa su dauki dogon lokaci kafin su dauki ciki.

Wani bincike da aka buga a mujalar Lumfashi ta Turai, ta nuna cewa mata masu cutar tarin asma zasu iya samun wahalar daukar ciki wanda zai sa su dauki dogon lokaci kafin su dauki ciki. Masu bincikin sun ce wannan rahoton yayi daidai da sauran bincike wadanda ke nuna cewa asma ya kan shafi daukar ciki.

A fadar ma’aikatar bincike da kauda cututtuka (CDC), kimanin mutane 1 cikin 12 a mutanen Amurka suna da asma, wanda ke kiyasce yawan masu cutar a kimanin mutane miliyan 25.

Wani abin da ya sa wannan binciken ya zama da muhimmanci shine mata sun fi saurin kamuwa da tarin asma fiye da maza.

Koda yake an gano dangantakar dake tsakanin rashin haihuwa da tarin asma, wannan sabon binciken ya bada karfi ne wajen dangantakar dake tsakanin tarin asma da kuma jinkirin daukar ciki da ya shafi bincike cikin tagwaye masu yawa.

Masu binciken daga asibitin Jami’ar Bispebjerg ta Denmark, ta dubi sakamakon binciken da aka yi akan tagwaye fiye da 15,000 yan shekaru 12 zuwa 41, wadanda kuma suka amsa jeren tambayoyi game da tarin asma da kuma daukar ciki

Anyi amfani da tagwaye domin binciken don a iya yin kwatanci tsakanin ya da kanwa. Masu binciken sun kuma gane cewa wannan ya ba su damar yin amfani da wani sashin jama’a, daga fannonin rayuwa dabam dabam, ba tare da sai sun gwada irin yanayin su ba ko yanayin irin rayuwarsu.
XS
SM
MD
LG