Accessibility links

Duk da Kalamunsa Trump Yana Kan Gaban 'Yan Takarar Jam'iyyar Republican


Donald Trump dan takarar neman shugaban kasar Amurka a karkashin jam'iyyar Republican

Donald Trump dan takarar neman shugaban kasar Amurka a karkashin jam'iyyar Republican

Sakamakon neman jin ra'ayin jama'a na baya bayan nan ya nuna cewa babu abunda Donald Trump zai fada zuwa yanzu da yake illa ga matsayinsa na zaman kan gaba a wajen masu ra'ayin mazan jiya wadanda suke goyon bayansa, Kasa da wata biyu kamin a fara jefa kuri'arzaben fidda dan takara da ake farawa daga jihar Iowa, a cikin watan biyu.

A daren Litinin ne, Trump ya tada rigima a ciki da wajen Amurka lokacinda ya bada shawarar a hana musulmi shiga Amurka. Amma duk da hakan zuwa jiya Alhamis, sakamakon neman jin ra'ayoyin jama'a a fadin Amurka da kuma a wasu wurare da za'a fara zaben,ya nuna farin jinisa sai karuwa yake yi.

Kuri'ar neman jin ra'ayin jama'a na baya bayan nan da tashar talabijin ta CBS da jaridar New York Times suka gudanar a fadin Amurka bai daya ya nuna Trump yana kan gaba da kashi 35 cikin dari, can gaba da Senata Ted Cruz daga jihar Texas wanda yake da kashi 16 cikin dari, sai kuma tsohon likitan kwakwalwa Ben Carson d a kashi 13 cikin dari. A kuri'ar da aka yi a jihohi, Trump yana can kan gaba a jihar New Hampshire, yayinda yake gogayya da Ted Cruz a jihar Iowa, a jihar South Carolina kuma, yana kan gaba.

A nata kuri'ar neman jin ra'ayin jama' data gudanar, tashar talabijin ta FOX tace sakamakon ya nuna Trump da kashi 35 cikin dari, sai kuma mai bi masa tsohon likita Dr. Ben Carson da kashi 15 cikin dari, sannan Ted Cruz da Marco Rubio sunyi kunnen doki da kashi 14 ko wanne daga cikinsu.

XS
SM
MD
LG