Accessibility links

Yanayin Sanyi Da Kankara Sun Tsaida Zirga Zirga Cik A Turai

  • Aliyu Imam

Wani mutum da karensa a Ingila ana dusar kankara ta zubowa.

Wani mutum da karensa a Ingila ana dusar kankara ta zubowa.

A yau lahadi kankara da wani dan karen sanyi da ya lullube Turai ya tilas ta rufe tashoshin jiragen sama da na kasa,da hanyoyi a fadin nahiyar.

Llahadin nan, kankara da wani dan karen sanyi da ya lullube Turai ya tilas ta rufe tashoshin jiragen sama da na kasa,da hanyoyi a fadin nahiyar baki daya, wanda yasa dubban matafiya suka makale.

Tashoshin jirage a Ingila,Jamus,Faransa,da Holland da kasar Italiya duk sun bada labarin soke sauka ko tashin daruruwan jirage, ko kuma jinkiri a wasu. Tilas aka rufe hanyoyin saukar jirage a tashohin Ingila da aka fi yawan zirga zirga na Heathrow Gatwick saboda a share kankara.

Tashar jiragen sama dake Frankfurt na Jamus, ta soke tashi ko saukar jirage dari biyar yau lahadi.

Sai da aka kawo ‘yansanda a tashar jiya Asabar domin kwantar da hankulan fasinjoji dasuka fusata.

Baya tashoshin jirage da lamarin ya shafa a Ingila,hanyoyin mota da na jiragen kasa suma basu tsira a Ireland ta arewa,Wales,Scotland, da kuma Ingila.

Masana yanayi suna hasashen lamarin yana iya kara muni.

XS
SM
MD
LG