Ana danganta faduwar farashin man, kan sakamkon taron kungiyar OPEC data yi ranar Jumma'a data shige inda kungiyar mai wakilai 13 ta kasa tsaida shawara kan rage yawan mai da suke hakowa.
Kwararru suka ce tuni dama bukatar mai a ko wace rana ta ragu da kimanin ganga miliyan biyu. Kuma yawan mai a kasuwnanin duniya zai karu, da zarar aka dage wa Iran takunkumin da hukumomin kasa da kasa suka aza mata.
Wasu masu fashin baki sun ce babbar wakiliyar OPEC watau kasar Saudi Arabiya, tana ci gaba da hakar mai gadan-gadan da burin kara karya farashin mai domin karya guiwar sabbin masu hakar man. Wasu masu hakar mai a Amurka suna amfani da fasahar zamani wajen kara yawan mai a kasuwa,amma wannan fasahar tana da tsada idan aka kwatanta da wadanda ake amfani da su a rijiyoyin man kasar Saudiyya.
