Accessibility links

Hillary Clinton Ce Ta Dace da Zama Shugabar Kasa - Shugaba Obama


Shugaba Obama da Hillary Clinton

Shugaba Obama da Hillary Clinton

Jiya Laraba ne, a wajen babban taronsu a birnin Philadelphia, shugabannin jam’iyyar Democrat suka gabatar da jawaban da ke tabattarda cewa Hillary Clinton ce zasu tsaida a matsayin 'yar takarar shugabar kasar Amurka ba Donald Trump baa zaben da za'a gudanar a wannan shekara .

A jawabinsa, Shugaba Obama ya yi magana akan irin kalubalan da ya fuskanta a lokacin da yayi yakin neman zaben shugaban kasa inda kuma ya nuna nasarorin da ya cimma a lokacin mulkinsa ya kuma bayyana cewa Hillary Clinton ita ce ‘yar takara a wannan shekarar da ta yi imanin cewa idan mutane dabam-dabam suka hada kai za a samu cigaba a Amurka.

Sen. Tim Kaine mutumin da Clinton ta zaba ya zama mataimakinta

Sen. Tim Kaine mutumin da Clinton ta zaba ya zama mataimakinta

Ya kuma ce babu mutumin ko macen da ta taba cancanta ta shugabanci Amurka kamar Clinton, wadda ta yi aiki a matsayin sakatariyar harkokin wajen Amurka a wa’adin aikinsa na farko.Haka kuma shugaba Obama ya caccacaki dan takaran shugaban kasa na jam'iyyar republicans, Donalda Obama:

Shugaba Obama yake cewa: "Donald Trump baya da komai da zai tsinanawa Amurka, illa surutun iska kawai. Yana jin idan ya tsorata mutane sosai, zasu iya zabensa, kuma wannan ma wata caca ce da Trump ba zai ci ba, tunda yana neman rena wayon Amurkawa." Ko bayan shi Shugaba Obama, sauran wadanda suka yi jawabbai jiya sun hada da mataimakinsa Joe Biden da kuma mutumen da ita Hilary ta dauko do ya zamar mata mataimaki, Tim Kaine. A yau ne ake sa ran cewa ita kanta Hilary Clinton zata fito tayi jawabin amincewa da karbar zama 'yar takara ta jam'iyyar Democrats din.

XS
SM
MD
LG