Accessibility links

Iyaye a Jihar Borno Na Tsoron Kai Yaransu Makaranta


Dalibai mata su hudu na makarantar sakandare na Chibok da suka kubuta.

Dalibai mata su hudu na makarantar sakandare na Chibok da suka kubuta.

Biyo bayan irin hare hare akan makarantu da kuma sace 'yan makaranta kamar yadda ya faru a Chibok iyaye a jihar Borno suna tsoron kai yaransu makaranta

Sabon salo da kungiyar Boko Haram ta fito dashi kwanan nan inda take kai hari akan makarantu da kuma sace yara mata ya razana iyaye a jiharBorno.

Yanzu dai iyaye na cikin tsoro a jihar Borno domin barazanar da kungiyar Boko Haram take yiwa makarantun boko. Iyaye sun ce idan sun kai yara makaranta ana kashesu. Dalili ke nan da hankalin iyaye ya tashi.

Wani magidanci yace gaskiya basa kai yaransu makaranta domin suna tsoro domin kungiyar ta Boko Haram ta sha alwashin cigaba da kai hari akan makarantu.

Ba iyaye ne kadai ke jin tsoro ba. Malaman su ma suna cikin tsoro. Wani malami dake koyaswa a makarantar sakandare yace suna koyaswa ne amma ba tare da kwanciyar hankali ba. Yace lamarin zai shafi ilimi matuka. Yace suna bukatan addu'a.

Yanzu dai lamarin ya sa gwamnatin jihar Borno ta rufe makarantunta. Haka ma gwamnatin tarayya ta rufe makarantunta dake jihohin dake cikin dokar ta baci.

Ga rahoton Ibrahim Abdulaziz
XS
SM
MD
LG