Mutumin da ake zargi da harbe-harben da suka raunata wata 'yar majalisar wakilan tarayyar Amurka da kuma kashe mutane 6 cikin watan Janairun shekarar 2011 a Jihar Arizona, ya amsa laifinsa a gaban kotu.
Amsa laifin da Jared Lee Loughner yayi jiya talata a garin Tucson dake Jihar Arizona, ya ba shi damar kaucewa fuskantar hukumcin kisa a saboda wannan laifi da ya aikata. Ma'aikatar shari'a ta tarayya ta Amurka, ta ce a karkashin sharrudan amsa laifin nasa, za a yanke ma Loughner hukumcin daurin rai da rai har sau bakwai da zai yi daya bayan daya, sannan kuma da wani karin dauri na shekaru 140 a gidan kurkuku.
Lauyan gwamnatin tarayya, John Leonardo yace wannan yarjejeniya zata tabbatar da cewa "wanda ake tuhumar ya shafe tsawon rayuwarsa a cikin kurkuku ba tare da ahuwa ba."
Wadannan harbe-harben da yayi sun bazu a duniya a saboda Loughner yayi niyyar harbe 'yar majalisar dokokin Amurka, Gabrielle Giffords ne.
Wani alkali a Arizona ya yanke hukumci a bara cewa Loughner ba ya cikin hankalin da zai iya tsayawa gaban shari'a, a bayan da aka shafe makonni biyar likitocin mahaukata su na duba shi a asibiti. Amma a jiya talata, wani alkalin kotun tarayya ya yanke hukumcin cewa Loughner yana da cikakken hankali a yanzu da zai iya fahimtar irin tuhumar da ake yi masa.
Amsa laifin da Jared Lee Loughner yayi jiya talata a garin Tucson dake Jihar Arizona, ya ba shi damar kaucewa fuskantar hukumcin kisa a saboda wannan laifi da ya aikata. Ma'aikatar shari'a ta tarayya ta Amurka, ta ce a karkashin sharrudan amsa laifin nasa, za a yanke ma Loughner hukumcin daurin rai da rai har sau bakwai da zai yi daya bayan daya, sannan kuma da wani karin dauri na shekaru 140 a gidan kurkuku.
Lauyan gwamnatin tarayya, John Leonardo yace wannan yarjejeniya zata tabbatar da cewa "wanda ake tuhumar ya shafe tsawon rayuwarsa a cikin kurkuku ba tare da ahuwa ba."
Wadannan harbe-harben da yayi sun bazu a duniya a saboda Loughner yayi niyyar harbe 'yar majalisar dokokin Amurka, Gabrielle Giffords ne.
Wani alkali a Arizona ya yanke hukumci a bara cewa Loughner ba ya cikin hankalin da zai iya tsayawa gaban shari'a, a bayan da aka shafe makonni biyar likitocin mahaukata su na duba shi a asibiti. Amma a jiya talata, wani alkalin kotun tarayya ya yanke hukumcin cewa Loughner yana da cikakken hankali a yanzu da zai iya fahimtar irin tuhumar da ake yi masa.