Accessibility links

JIhar Plateau Zata Dawo Da Karbar Haraji Domin Yin Ayyukan More Rayuwa


Plateau

Plateau

Gwamnatin jihar Plateau tace zata farfado da dokar biyan haraji gadan gadan don samin kudaden shiga da zai bata sukunin aiwatar wa Jama’a ayyukan more rayuwa.

Kwamishinan yada labaran jihar Plateau Mallam Mohammad Nazif, a wani taron manema labarai ya bayyyana cewa zamani ya wuce da jihar zata ci gaba da dogaro da gwamnatin Tarayya, musammam ma a wannan lokaci da tattalin arziki ke tangal tangal.

Jihar dai ta tsara wasu abubuwa guda Uku da za a sami kudin shiga, na farko harajin kasa da fannin Gona sai kuma na Uku shine guraren yawan shakatawa.

A ra’ayin wasu mutanen jihar na cewa yana da matukar amfani ayi hakan domin yawancin kasashen da suka ci gaba a Duniya, suna karba kuma suna taimakawa al’umma ta hanyar gina kasa. Sai dai kuma a cewar wasu mutanen jihar na ganin hakan zai musgunawa mutane domin babu wasu hanyoyin samun kudi.

Domin karin bayani.

XS
SM
MD
LG