Accessibility links

Kalamun Trump Kan Rasha Na Iya Raunata Dangantakarsa da Putin


Donald Trump shugaban Amurka dake jiran gado

Donald Trump shugaban Amurka dake jiran gado

Kalaman da shugaban Amurka mai jiran gado Donald Trump ke yi kwannakin nan gameda Rasha, musamman inda yake bayyana ra’ayin cewa yana jin Rasha na da hannu wajen satar bayanan da aka sato daga na’urorin komputa na jam’iyyar Democrats, sun sa yanzu kasashen duniya, musamman na Turai, sun fara fargabar cewa da kyar dangatakar Amurka, a karkashin Trump, zata inganta da Rasha a karkashin shugabanta Vladimir Putin.

Haka kuma ana ci gaba da magangannu gameda wata kasida mai shafuna 35 dake yawo a yanzu, wacce akace tana kunshe da wasu bayanai na batanci akan wasu abubuwan assha da watakila shi Donald Trump din ya aikata a asirce, wacce kuma akace wani tsohon dan leken asirin kasa na Biritaniya dake zaune a London ne mawallafinta.

Kan haka ne jiya tarin ‘yanjaridu suka yi cincirindo a gaban opishin wata cibiya mai suna “Orbis” dake London, wacce aka akace a cikinta ne aka rubuta wanna kasidar.

An kuma an bayyana cewa wani mutum mai suna Christopher Steele, tsohon ma’aikacin Hukumar leken Assirai ta MI-6 ta Ingila, wanda ya rubuta kasidar, yanzu haka ya kwashe iyalinsa, sun bata kwata-kwata, ba’a san inda suke ba.

Show comments

XS
SM
MD
LG