Jami’ai a kasar Italiya, sun bayyana cewar ‘yan bindigar Nigeriar nan da suka sace Injiniya dan Italiya Modesto di Girolamo, domin garkuwar dashi sun sako shi jiya Juma’a.
Injiniya Modesto yana yiwa kamafanin gine-ginen hanyoyi na Borini Prono aikin ginin hanyoyi ne a jihar Kwara-Nigeria. Kuma Ministan harkokin wajen Italiya, Giulio Terzi ya tabbatar da sahihancin rahoton sakin Injiniyan, yace harma an shaidawa iyalinsa halin da ake ciki.
Wasu ‘yan bindigar da ba’a tantance da manufarsu bane dauke da makamai suka sace Modesto di Girolamo domin yin garkuwa dashi.
