Shugabannin kasashen Turai zasu yi kokarin matsawa Fara Ministan Turkiya lamba ya rage yawan ‘yan gudun hijiran dake kwarara kasashen Turai su koma mayar da wadanda basu cancanci a basu mafaka ba a kasashen.
Kimanin ‘yan gudun hijira dubu 14 ne a halin yanzu suka yada zango a kan iyakar Girka da Macedoniya, da fatar za a kyalesu su nufi Arewaci. Sai dai kasashe da dama da suka gwammace tafiya kamar Jamus da Scandinavia, sun sake gabatar da tsarin sa ido kan iyaka, wani abu dake barazana ga harkokin sufuri da cinikayya a kasashen da ba a bukatar bisa.
Yayinda ake kyautata zaton karuwar ‘yan gudun hijiran idan sanyi ya ragu, shugabannin kasashen kungiyar tarayyar turai suna zubawa fara ministan Turkiya Ahmet Davutoglu ido a shawo kan kwararar ‘yan gudun hijirar.
Sai dai Turkiya tana fama da tata matsalar kwararar ‘ya gudun hijirar, kasancewa ta tsugunar da sama da mutane miliyan biyu da suka kauracewa Syria inda ake fama da tashin hankali.
