Accessibility links

Kotun Koli A Ghana Tace Mahama Ya Cigaba Da Mulki


Shugaban Ghana a lokacin da yake ziyartar ganawa ta 43 na ECOWAS a birnin Abuja dake Najeriya.

Shugaban Ghana a lokacin da yake ziyartar ganawa ta 43 na ECOWAS a birnin Abuja dake Najeriya.

Yau ne babbar kotun kolin kasar Ghana, ta yanke hukunci akan karar da jam’iyyun adawa suka shigar, dake kalubalantar zaben shugaban kasar John Dramani Mahama, a watan Decembar da ya wuce, na shekara ta 2012.

Yau kotun ta fara zama ne karfe 12 na rana, a maimakon karfe 9 na safe, ko karfe 10.

Wakilin Muryar Amurka a can Ghana, Baba Yakubu Makeri ya rawaito cewa kotun tayi amfani da minti 3 kacal, wajen yanke hukunci.

Alkalai 9 ne suka yanke wannan hukunci a karkashin shugabancin babban alkali Justice William Atuguba. Alkalin yace sauran alkalai sun bada ra’ayoyinsu, kuma aka tattarasu domin yanke hukunci.

Jami’iyyar ta shigar da karar yawan kuri’u, da kuma takardun kuri’u wadanda ba’a saka wa hannu. A cikin karar, harda rashin samun daman jefa kuri’u a wasu wuraren, amma kotun

Hukuncin da aka yanke shine na yin watsi da karar da babbar jam’iyyar adawa ta shigar, saboda haka shugaba John Dramani zai cigaba da jan ragamar kasar Ghana.

XS
SM
MD
LG