A Iraqi, kungiyar ISIS ta kai hare hare biyu da makamai masu guba kusa da birnin kirkuk a arewwcin kasar Asabar din nan , wata yarinya 'yar shekaru 3 da haifuwa da mutu, wasu dari shida kuma sun jikkata, wasu daruruwa kuma sun tsere.
Jami'an tsaro, da ma'aikatan kiwon lafiya suka ce harin na ranar Asabar, ISIS ta auna wani karamin wuri ne da ake kira Taza, garin da kwanaki uku da suka wuce kungiyar ta kai hari da makamai masu guba data culla su da rokoki.
PM kasar Haider al-Abadi, yayi alwashin gwamnatinsa zata dauki fansa. A cikin wata sanarwa da ya fitar yau, shugaban kasar yace, 'yar shekaru uku da haifuwan ,mutuwarta ba zama a banza ba.
Ahalinda ake ciki kuma, rundunar mayakan sama na Turkiyya ta kaddamar da farmaki da jiragen yaki kan 'yan tawayen kurdawa a arewacin Iraqi ta kashe akalla mayakan sakai 67, kamar yadda rundunar tayi bayani yau Asabar.
