Accessibility links

Kwanakin Jarirai Na Farko Sun Fi Kasada - inji Kungiyar Lafiya


Wata ma'aikaciyar lafiya tana yi wani yaro allurar polio a wata makaranta dake birnin New Delhi ran 7 ga watan Afrilu, 2013.

Wata ma'aikaciyar lafiya tana yi wani yaro allurar polio a wata makaranta dake birnin New Delhi ran 7 ga watan Afrilu, 2013.

Wani sabon rahoto daga wata kungiyar agaji ta kasa da kasa ya ce, kwanakin jarirai na farko a duniya su ne mafiya kasada a kusan kowace kasa, a ciki har da Amurka.

Rahoton da kungiyar mai suna Save the Children ta gabatar a yau talata , ya ce wani binciken da aka gudanar a duniya game da jariran da ke mutuwa ran da aka haife su, ya nuna bayanan cewa a kowace shekara jarirai miliyan daya ne ke mutuwa ranar da aka haife su.

Haka kuma a cikin rahoton kungiyar ta Save the Children ta jera kasashe bi da bi daga ta daya zuwa ta karshe game da jin dadin rayuwar uwa da dan ta.

Kasar Finland ce ta daya a jerin kasashen duniya mafiya dadin rayuwa ga uwa da dan ta.

Kasar jamahuriyar Demokradiyar Congo kuwa ita ce mafi rashin jin dadin rayuwa ga uwa da dan ta.

Amurka ce ta talatin a duniya ta na biye da duka kasashen yammacin turai, da Australia da Slovenia da Singapore da New Zealnad da Estonia da Canada da Jamahuriyar Czech da Israila da Belarus da Lithuania da kuma Poland, dukan su sun tsere Amurka a jin dadin rayuwar uwa da dan ta.
XS
SM
MD
LG