Accessibility links

Majalisar Dattawan Amurka Ta Fadada Takunkumi Kan Iran


Majalisar Dattawan Amurka

Majalisar Dattawan Amurka

Majalaisar dattijan Amurka ta amince da kudurin doka da ta fadada takunkumi kan Iran, dokar da wakilai daga duka jam'iyun siyasar Amurka biyun suka ce tana da muhimmanci wajen tabbatar da yarjejeniyar da kasa da kasa ta kulla da Farisa kan shirin Nukiliyar kasar.

Wakilai 99 ne suka amince da kudurin. Senata Bernie Sanders dan indipenda mai wakilatar jahar Vermont ne kadai bai jefa kuri'a ba. Kudurin ya sami amincewar wakilai 419, wakili daya bai amince ba, lokacinda majalis wakilai ta yi muhawara kan kudurin cikin watan jiya.

Wakilai daga jam'iyun duka biyu sun ce tilas Amurka ta ci gaba da sa ido sosai kan Iran saboda halayyarta na neman tsokana da kuma neman fadada karfinta a fadin yankin gabas ta tsakiya.

Jami'an Iran sunyi Allah wadai da dokar, suka ce ta sabawa yarjejeniyar da Amurka da sauran manyan kasshen duniya suka kulla da kasar kan shirin Nukiliyarta.

Show comments

XS
SM
MD
LG