Accessibility links

Matsalar Naura Ce Ta Jawo Hadarin Jirgin Saman Fasinjan Kasar Indonesia Bara


Shugaban Indonesia Joko "Jokowi" Widodo

Shugaban Indonesia Joko "Jokowi" Widodo

Watan Disambar bara wani jirgin fasinja Indonesia samfarin Airbus A320 ya samu hadari ya fada cikin wani teku da fasinjoji da ma'aikatan jirgin sun 162 duk suka halaka.

Masu bincike a Indonesia sun ce, wata tangardar na’ura ce ta sa matuka jirgin kasar suka dauki wani mataki da ya haddasa faduwar jirgin saman fasinja a cikin teku a watan Dismabar bara.

A wani rahoto na karshe da ta fitar, Ma’aikatar kiyaye hadurran ababan hawa a kasar, ta ce na’urar kula da tafiyar jirgin samfarin Airbus A 320 ce ta samu lahani, wanda hakan ya yi sanadiyar hadarin.

Rahoton ya kuma nuna cewa matakin da matukan jirgin suka dauka, bayan da na’urar ta samu matsala ne, ya sa suka kasa daidai tafiyar jirgin, lamarin da ya sa jirgin ya gagari iyawarsu.

Wani rahoto na baya, ya nuna cewa bayan haka, jirgin ya rikito kasa sannan daga baya ya tsunduma cikin ruwa.

Duk dai mutane 162 da ke cikin jirgin suka halaka.

XS
SM
MD
LG