Mayakan ISIS na yunkurin canza salon kai hari a Syria da Iraqi
Hafiz Saeed yana daya daga cikin shugabannin ISIS
Mayakan ISIS na yunkurin canza salon kai hari a Syria da Iraqi
Jami’an tsaron da ke aiki ba ji ba gani don karya lagon yaduwar ta’addanci zuwa cikin Turai na shinshino yiwuwar cewa mayakan sunkurun na kokarin canza dabarar kai muggan hare-hare ga muhimman wurare da manyan gine-ginen gwamnati a Syria da Iraki.
WASHINGTON DC —
Bisa la’akari da bayyanar na’urar kwamfutar da aka tsinta a cikin bola a Belgium a lokacin samamen ‘yan sanda bisa alaka da harin bam da aka kai a garin, wacce take dauke da hotunan ofishin Firaministan kasar.
Tare da shedar data bayyana, hakan na nuna cewa, ‘yan kunar bakin waken ya da kani da suka kai harin Khalid da Ibrahim Bakraoui, sun aiwatar da liken asiri akan faifan bidiyon da ke nuna ma’aikatar Nukiliyar Belgium ta Tihange.
Wannan na nuna alamar cewa, ‘yan ta’adda na da niyyar canza salon kai hari ga wurare masu saukin kamar tashoshin jama’a da shaguna, zuwa kan manyan muhimman wuraren gwamnati.
