Accessibility links

Jam'iyyar PDP Mai Mulki A Najeriya Ta Tantance Mutum Uku A Zaben Fidda Dan Takararn Shugaban Kasa

  • Aliyu Imam

Shugaban kasa Jonathan, daga hagu,da tsohon mataimakin shugaban kasa Atiku Abubakar

Shugaban kasa Goodluck Jonathan, zai kara da tsohon mataimakin shugaban kasa Atiku Abubakar,da kuma tsohuwar hanu a siyasar kasar Sarah Jibril.

Jam’iyyar PDP mai mulkin Najeriya ta tantance ‘yan takara uku a zaben fidda dan takara daya da zai wakilci jam’iyyar a zaben kasa da a’a yi cikin watan Afrilu.

Shugaban kasa Goodluck Jonathan zai kara da tsohon mataimakin shugaban kasa Atiku Abubakar,da kuma tsohuwar hanu a siyasa Sarah Jibril. Wasu ‘yan jam’iyyar PDP uku sun kalubalanci takarar mr. Jonathan, amma wata kotu a Abuja ta yi watsi da karar ranar litinin.

Ahalin yanzu kuma,an kashe akalla mutane 18 a tsakiyar kasar a barkewar sabuwar tarzoma bisa sabanin akida da ta halaka dubban rayuka cikin shekaru 10 da suka wuce. Hukumomi a jihar Plato sunce wasu mutane da adduna sun kashe mutane 13 cikinsu hard a mata da yara, jiya talata.

An kai harin ne goshin asubahi a kauyen Kuru Wareng,wanda galibin mazauna ciki kiristoci ne. An kashe wasu mutane biyar a wani hari na daban a Barikin ladi duka jiya Talata.

XS
SM
MD
LG