Accessibility links

Paparoma Francis ya ayyana John da John Paul a mastayin waliyyai.

Paparoma Francis, Shugaban 'yan Darikar Katolika, ya ayyana wasu magabatansa biyu - wato John na 23 da John Paul na II - a zaman waliyyai, a wata hidimar da ta gudana yau Lahadi a Dandalin St. Peters da ke birnin Rome.

Jami'ai sun ce wajen mutane miliyan guda ne su ka yi cincirindo a Dandalin St. Peters din da kuma wasu titunan birnin Rome da ke daura da wurin a bikin na ayyana daukaka zuwa waliyanci.

Paparoma Francis ya karanta shelar a hukumance a wurin hidimar daukakawar, wadda ta kuma sami halartar Paparoma murabus Benedict na 16.
Wannan shi ne karo na farko da aka daukaka tsoffin Paparomomi biyu zuwa waliyanci.
XS
SM
MD
LG