Accessibility links

An Gudanar Da Bukukuwan Ranar Ma'aikata A Fadin Duniya


Dubban masu akidar Mao su an gangamin ranar ma'aikata a kasar Nepal

Dubban masu akidar Mao su an gangamin ranar ma'aikata a kasar Nepal

Dubban ma'aikata sun yi maci kan tituna a kasashe dabam-dabam na duniya su na neman karin albashi da kyautata yanayin ayyukansu.

Dubban ma'aikata a fadin duniya sun yi maci kan tituna asabar din nan a Ranar Ma'aikata Ta Duniya, su na neman da a kyautata irin albashin da ake biyansu da kuma yanayin aikinsu.

A Istanbul a Turkiyya a karon farko cikin shekaru 30, an kyale ma'aikata sun yi gangami cikin dandalin Taksim dake tsakiyar birnin, domin karrama wannan rana. An takaita yin taro a wannan dandali tun shekarar 1977 a lokacin da wasu 'yan bindigar da ba a san ko su wanene ba suka bude wuta a kan masu zanga-zanga a dandalin, suka haddasa ture-ture wajen enman tserewa tare da mutuwar mutane fiye da 30.

'Yan Mao na kasar Nepal a kan hanyarsu ta zuwa gangamin ranar Ma'aikata a Kathmandu

'Yan Mao na kasar Nepal a kan hanyarsu ta zuwa gangamin ranar Ma'aikata a Kathmandu

A birnin moscow, dubban 'yan Kwaminis sun yi maci dauke da jajayen tuta da hotunan Josef Stalin, a wani bukin da yayi kama da irin wanda aka saba gani a zamanin tsohuwar Tarayyar Soviet. A wani gangamin na dabam, madugun 'yan hamayya Garry Kasparov, ya jagoranci wasu daruruwan mutane wajen yin tur da firayim ministan Rasha, Vladimir Putin.

A kasar Pakistan, firayim minista Yousuf Raza Gilani ya karrama wannan rana ta hanyar bayar da sanarwar karin Dalar Amurka 12 (kimanin naira dubu daya da dari takwas) a kan albashi mafi kankanci da za a iya biyan ma'aikaci a kasar. A yanzu albashi mafi kankanci a wata zai koma Dalar Amurka 83 (kimanin Naira dubu 12 da 600).

Firayim ministan na Pakistan ya ce wannan sabon tsarin albashi zai taimakawa ma'aikata miliyan 50.

XS
SM
MD
LG