Accessibility links

Sarauniya Elizabeth Ta Cika Shekaru 60 A Gadon Sarautar Birtaniya

  • Halima Djimrao-Kane

Sarauniya Elizabeth ta Birtaniya da maigidan ta, Yarima Philip

Sarauniya Elizabeth ta Birtaniya da maigidan ta, Yarima Philip

Ranar 6 ga watan Fabarairun shekarar 1952 sarauniya Elizabeth ta hau gadon sarautar Birtaniya

A Yau Litinin Sarauniya Elizabeth ta Birtaniya ke cika shekaru 60 a gadon sarauta.

Ta na ‘yar karamar Gimbiya ta zama sarauniya a ranar 6 ga watan Fabarairun shekarar 1952 bayan rasuwar mahaifin ta sarki George na shida, wanda ya yi jinyar shekara da shekaru.

Wankan sarautar Elizabeth ne irin shi na farkon da aka nuna kai tsaye a talbijin din BBC ga miliyoyin ‘yan kallo, bayan an gama, daga bisani wasu miliyoyin mutane su ka kalla a Amurka da Canada.

Galibi dai, Sarauniya Elizabeth kan yi bikin zagayowar ranar hawanta gadon sarauta, salun alun, ba wata kwaramniya, amma a kan shirya jerin wasu abubuwan da ake yi a duk tsawon shekara.

Sarauniyar da maigidan ta, Yarima Philip, da kuma sauran ‘yan gidan sarautar, na shirin yin rangadi a wasu kasashen da ke karkashin masarautar ta, kasashen su ne Canada da Malaysia da Singapore da kuma Belize.

Wani tsohon hoton Sarauniya Elizabeth lokacin da ta kai ziyara kasar Tanzania tun a zamanin mulkin shugaba Julius Nyerere

Wani tsohon hoton Sarauniya Elizabeth lokacin da ta kai ziyara kasar Tanzania tun a zamanin mulkin shugaba Julius Nyerere

XS
SM
MD
LG