WASHINGTON, DC —
Shiyya ta 7 ta sojojin Najeriya mai hedkwata a Maiduguri, ta ce ta kashe mayakan kungiyar Boko Haram su akalla 37 a wasu arangamomin da aka gwabza a wasu garuruwa daga litinin din nan.
Kakakin shiyyar, Kyaftin Aliyu Ibrahim Danja, ya fada cikin wata sanarwa cewa 'yan Boko Haram sun kai farmaki garin Alagarno ranar litinin, inda sojojin shiyyar tare da tallafin mayakan sama, suka gwabza da 'yan bindigar, suka kashe da dama daga cikinsu.
Wasu mayakan na Boko Haram sun tsere suka bar makamai, da nakiyoyi, da motocin akori-kura guda uku, da babura da dama.
Haka kuma, kakakin yace a ranar lahadi, mayakan Boko Haram su kimanin 50 dauke da manyan makamai kirar AK-47, sun tare hanyar Gamboru-Ngala da Dikwa, kusa da kauyen Lougoumani, inda suka kashe mutane 4, ba wai mutane 19 kamar yadda aka yi ta fada da farko ba.
Yace 'yan bindigar sun kuma kona motocin tirela 4 da tankar daukar mai guda 2, sannan suka kwace wata motar akori-kura dauke da kayan abinci suka gudu da ita.
'Yan Boko Haram din sun tare wasu maharba dake komowa daga ta'aziyyar wani dan'uwansu, suka kashe 4 daga cikinsu, suka kona musu mota.
Haruna Dauda ya aiko da cikakken bayani daga Maiduguri.
Kakakin shiyyar, Kyaftin Aliyu Ibrahim Danja, ya fada cikin wata sanarwa cewa 'yan Boko Haram sun kai farmaki garin Alagarno ranar litinin, inda sojojin shiyyar tare da tallafin mayakan sama, suka gwabza da 'yan bindigar, suka kashe da dama daga cikinsu.
Wasu mayakan na Boko Haram sun tsere suka bar makamai, da nakiyoyi, da motocin akori-kura guda uku, da babura da dama.
Haka kuma, kakakin yace a ranar lahadi, mayakan Boko Haram su kimanin 50 dauke da manyan makamai kirar AK-47, sun tare hanyar Gamboru-Ngala da Dikwa, kusa da kauyen Lougoumani, inda suka kashe mutane 4, ba wai mutane 19 kamar yadda aka yi ta fada da farko ba.
Yace 'yan bindigar sun kuma kona motocin tirela 4 da tankar daukar mai guda 2, sannan suka kwace wata motar akori-kura dauke da kayan abinci suka gudu da ita.
'Yan Boko Haram din sun tare wasu maharba dake komowa daga ta'aziyyar wani dan'uwansu, suka kashe 4 daga cikinsu, suka kona musu mota.
Haruna Dauda ya aiko da cikakken bayani daga Maiduguri.
