Accessibility links

Sojoji Sun Kwato Mata Da Yara Daga Hannun Boko Haram

  • Garba Suleiman

Sojoji daga Lagos, daga cikin sojoji 1000, da aka tura zuwa Adamawa domin yakar 'ya'yan kungiyar Boko Haram

Sojoji daga Lagos, daga cikin sojoji 1000, da aka tura zuwa Adamawa domin yakar 'ya'yan kungiyar Boko Haram

Sojoji sun ce sun fatattaki 'yan Boko Haram daga wasu sansanoni uku, suka kwato wasu mata da yaran da aka kama ana garkuwa da su.

Rundunar sojojin Najeriya ta ce ta kwato mata da yara wadanda kungiyar nan ta Boko Haram ta kama tana yin garkuwa da su. Wannan ya faru a bayan da dakarun na Najeriya suka mamaye, suka kwace wasu sansanoni guda uku na 'yan Boko Haram a yankin arewa maso gabashin kasar.

A cikin wannan watan ne madugun kungiyar Boko Haram, Abubakar Shekau, ya fada a cikin wani faifan bidiyo cewa kungiyar ta sace wasu mata da yara da yawa domin mayarda martani ga jami'an tsaron da yace su na kama mata da 'ya'yan membobin kungiyar ba tare da dalili ba.

A farmaki mafi girma da ta kaddamar tun lokacin da 'yan Boko Haram suka fara tayar da kayar baya a shekarar 2009, rundunar sojojin Najeriya tana kokarin fatattakar masu kishin addinin daga yankunan da suka kakkafa cibiya a dab da tabkin Chadi a bakin iyakar Najeriya da Kamaru, Chadi da Nijar.

Wakilin sashen Hausa na Muryar Amurka, Nasiru Adamu el-Hikaya, ya aiko da rahoto daga Abuja kan taron da kakakin rundunar sojoji, Birgediya-janar Chris Olukolade, ya kira dangane da kwato mata da yaran.

XS
SM
MD
LG