Accessibility links

Labari da Dumi-Duminsa

Turkiya ta yankewa wasu 'yan kasar Syria hukuncin daurin shekaru hudu


'Yansandan Trukiya rike da 'yan Syria da aka samu da laifin safarar mutane
'Yansandan Trukiya rike da 'yan Syria da aka samu da laifin safarar mutane

Kasar Turkiyya ta yankewa wasu ‘yan kasar Syria biyu hukuncin zaman gidan yari na tsawon shekaru hudu bisa laifin mutuwar wani jariri da iyayensa akan hanyarsu ta zuwa Turkiyya.

Kafara yada labaran kasar ta Turkiyayy a yau Juma’a ta ruwaito cewa an samu Muwafaka Alabash da Asem Alfrhad da laifin fasa kwaurin mutane.

Daga cikin ‘yan gudun hijrar da suka mutu, akwai Aylan Kurdi mai shekaru uku, wanda mutuwarsa ta ja hankalin duniya tare da nuna irin matsanancin halin da ‘yan gudun hijra ke ciki.

An tsinci gawarsa ne a gabar teku kasar ta Turkiyya, sannan mahaifiyarsa da mahaifinsa ma sun rasa rayukansu.

A ranar 11 ga watan Fabrairu aka fara sauraren shari’ar a wata kuto da ke yammacin garin Bodrum.

Iyayen Aylan Kurdi na daga cikin dubun dubatan ‘yan gudun hijra da suka saida ransu suka bi ta teku domin kaiwa ga kasar Turkiyya, da zimmar rayuwa mai inganci a kasashen arewacin da yammacin nahiyar Turai.

Kididdiga ta nuna cewa akalla masu neman mafaka miliyan 1.25 ne suka isa nahiyar turai tun daga shekarar 2015, adadin da ya ninka wanda aka gani a shekarar 2014.

XS
SM
MD
LG