Accessibility links

Wani Ba' Amirke Bakar Fata ya Harbe 'Yan Sanda a New York


Shugaban Amurka Barack Obama yayi Allah wadai da harbe wasu 'yan sanda biyu da suke aiki da birnin New York har lahaira.

Shugaban Amurka Barack Obama yayi Allah wadai da harbe wasu 'yan sanda biyu da suke aiki da birnin New York har lahaira, da rana tsaka yayinda suke zaune a cikin motar su ta aiki.

Shugaban wanda yake hutu a Hawa'ii, yace ba kamar sauran jama'a ba, barade biyu ba zasu sami damar komawa ga iyalansu ba. Mr. Obama yace kuma babu hujjar kashe su.

Fadar White House tace shugaba Obama ya kira kwamishinan 'Yansanda na binrin New York William Bratton, yayi masa ta'aziyya.

Shugaban na Amurka ya sake nanata kiransa ga Amurkawa suyi watsi da tarzoma, maimakon haka suyi amfani da abunda ya kona musu rai wajen wanzarda zaman lafiya.

'Yansandan biyu suna zaune ne a cikin mota a unguwar Brooklyn, lokacinda maharin dan shekaru 28 da haifuwa Ismayyil Brinsley ya taho kansu ya bude musu wuta kai tsaye. Daga bisani ya gudu zuwa cikin wata tashar jiragen kasa inda ya harbe kansa.

XS
SM
MD
LG