Accessibility links

Labari da Dumi-Duminsa

Wasu Jami'an Amurka Sun Gana da Na Mexico


Sakataren tsaron cikin gida na Amurka John Kelly yana shan hannu da sakataren harkokin wajen Mexico Videgaray yayinda Sakataren harkokin wajen Amurka Rex Tillerson yake tsakiya
Sakataren tsaron cikin gida na Amurka John Kelly yana shan hannu da sakataren harkokin wajen Mexico Videgaray yayinda Sakataren harkokin wajen Amurka Rex Tillerson yake tsakiya

Jami’an Amurka sun yiwa hukumomin kasar Mexico alkawari cewa, ba za a tasa keyar bakin haure ‘yan asalin kasar zuwa kasarsu a lokaci daya ba, a wani yunkurin kwantar da hankali biyo bayan alkawarin da shugaba Donald Trump ya yi na tasa keyar bakin haure dake zaune a kasar.

Sakataren ma’aikatar tsaron cikin gida na Amurka John Kelly da sakataren ma’aikatar harkokin wajen Amurka Rex Tillerson sun gana da shugaban kasar Mexico Entique Pena Nieto da ministocin kasar da suka bayyana damuwa da rashin jin dadin matsayin Trump a kan huldar shige da fice da kuma cinikayya da Mexico.

Kelly ya jadada cewa, ba za a dauki matakin soji wajen kama bakin haure karkashin shirin shugaba Trump na tasa keyar bakin haure dake Amurka ba.

Tillerson ya fada a wata sanarwa cewa, an yi tattaunawa mai ma’ana.

Ma’aikatar harkokin wajen Amurka bata yi wani Karin haske dangane da tattaunawar da aka yi da shugaba Pena Nieto ba.

Facebook Forum

XS
SM
MD
LG