Accessibility links

Wasu Matatun Mai A Warri Da Fatkwal Sun Fara Aiki.

  • Aliyu Imam

Matatar Mai.

Matatar Mai.

Matatun mai guda biyun zasu samar da mai kusan lita milyan tara ako wace rana.

Kamfanin NNNPC ya bada sanarwar cewa matatun man fetur na kasar a Fatakwal da kuma Warri a jahar Delta sun fara aiki.

Wannan ya biyo bayan wa'adi d a sabuwar gwamnatin tarayya ta APC karkashin jagorancin Muhammadu Buhari ta baiwa kamfanin na ganin ya sa matatun man sun fara aiki.

Matatar Mai dake Fatakwal ta fara tace danyen man fetur ganga dubu 210 ako wace rana. Wannan kashi 80 cikin dari na karfin matatar ne. Kuma tana samar da lita milyan 5 ko wace rana.

Ita kuma takwararta dake Warri, tana sarrafa gangunan danyen mai dubu 125, wanda yake samarda lita fiye da milyan uku ako wace rana.

Idan matatun man fetur duka hudu da suke kasar suna aiki zasu samar da kasa da lita milyan 20 ako wace rana, fiye da abunda 'yan Najeriya suke bukata ako wani yini.

Ga karin bayani.

XS
SM
MD
LG