Accessibility links

Daraktan Hukumar FBI Zai Gurfana Gaban Majalisar Wakilan Amurka Kan Batun Clinton


Paul Ryan, kakakin majalisar dokokin Amurka

Paul Ryan, kakakin majalisar dokokin Amurka

Yau ake sa Darektan FBI James Comey zai sha tambayoyi daga wakilan 'yan jam'iyyar Republican wadanda suka fusata kan shawarar da ya yanke na kin gurfanar da 'yar takarar shugabancin Amurka ta jam'iyyar Democrat Hillary Clinton, kan amfani da email na kashin kanta wajen tafiyar da aikin gwamnati, yayinda take zaman sakatariyar harkokin wajen Amurka.

Majalisar ta gayyaci Comey ne ya bayyana gaban kwamitin da yake sa ido kan yadda bangaren zartaswa yake tafiyarda ayykansa, yayinda Ministan shari'a kuma Atoni Janar ta Amurka Loretta Lynch zata bayyana gaban kwamitin majalisar mai kula da harkokin shari'a. Zata bayyana gaban kwamitin ne makon gobe.

James Comey, babban darakan hukumar FBI

James Comey, babban darakan hukumar FBI

Lynch da kuma Comey sun gana jiya Laraba, gabannin ya bayyana gaban kwamitin. Atoni Janar Lynch dai tace zata mutunta shawarar da hukumar FBI ta bayar kan wannan batu.

Kakakin majalisar wakilai Paul Ryan ya fada jiya Laraba cewa, ta yiwu an yiwa Mrs Clinton gata a binciken da aka yiwa tsohuwar babbar jakadiyar Amurkan. "Da akwai alamun haka a ganina," kakakin ya gayawa manema labarai jiya Laraba.

Loretta Lynch, Atoni Janar din Amurka

Loretta Lynch, Atoni Janar din Amurka

XS
SM
MD
LG